കൊറോണ വ്യാപനം തടയാന്‍ ലോക്ഡൗണ്‍ പ്രഖ്യാപിച്ചതോടെ പലരും ഒറ്റപ്പെട്ടു കഴിയുകയാണ്. ഉറ്റവരെ കാണാനാകാതെ പലരും വെപ്രാളപ്പെടുന്നുണ്ട്. ഇത്തരത്തില്‍ ഒരു സംഭവമാണ് ഇവിടെ പറയുന്നത്… ഐസോലേഷനില്‍ നിന്നും മുങ്ങി കാമുകിയെ കാണാന്‍ പോയ യുവാവിനെ പൊലീസ് പിടികൂടി. തമിഴ്‌നാട്ടിലാണ് ഇങ്ങനെയൊരു സംഭവം നടന്നത്. തുടര്‍ന്ന് യുവാവിനെയും കാമുകിയേയും ഐസോലേഷനില്‍ പ്രവേശിപ്പിക്കുകയും ചെയ്തു.
അടുത്തിടെ ദുബായില്‍ നിന്നും എത്തിയ 24 കാരനോട് കൊറോണ പ്രതിരോധമാര്‍ഗങ്ങളുടെ ഭാഗമായി നിര്‍ബന്ധിത ഐസോലേഷനില്‍ പ്രവേശിക്കാന്‍ നിര്‍ദേശിച്ചിരുന്നു. ഇങ്ങനെ ഐസോലേഷനില്‍ കഴിയുന്നതിനിടയിലാണ് കാമുകിയെ കാണാനായി ഇയാള്‍ മുങ്ങുന്നത്. ശിവഗംഗയിലുള്ള കാമുകിയുടെ വീട്ടില്‍ യുവാവ് എത്തുകയും ചെയ്തു.
ഐസോലേഷനിലായിരുന്നു യുവാവ് പുറത്തുപോയെന്നു വിവരം കിട്ടിയതിന്റെ പുറത്ത് പൊലീസ് അന്വേഷിച്ചപ്പോഴാണ് യുവാവ് കാമുകിയുടെ വീട്ടില്‍ ഉണ്ടെന്നറിഞ്ഞത്. ഉടന്‍ തന്നെ ഇയാളെ അവിടെയെത്തി പിടികൂടി. പെണ്‍കുട്ടിയേയും നിരീക്ഷണത്തിന്റെ ഭാഗമായി ഐസലോഷനില്‍ പ്രവേശിപ്പിച്ചു.
തങ്ങളുടെ പ്രണയബന്ധത്തിന് പെണ്‍കുട്ടിയുടെ വീട്ടുകാര്‍ എതിരാണെന്നും, പെണ്‍കുട്ടി ഇപ്പോള്‍ കടുത്ത മാനസികപ്രശ്‌നത്തില്‍ ആയതിനാലുമാണ് താന്‍ കാണാന്‍ പോയതെന്നാണ് യുവാവ് പൊലീസിന് മൊഴി നല്‍കിയിരിക്കുന്നത്.
Leave a Comment