ധനുഷ് ചിത്രം മാരിയുടെ രണ്ടാം ഭാഗത്തിന്റെ റിലീസ് തീയതി പുറത്തുവിട്ടു. ഡിസംബര്‍ 21 ന് തിയേറ്ററുകളിലെത്തുമെന്നാണ് റിപ്പോര്‍ട്ട്. ചിത്രത്തില്‍ മലയാളികളുടെ പ്രിയ യുവ നടന്‍ ടൊവീനോ തോമസാണ് വില്ലനായെത്തുന്നത്. സ്‌റ്റൈല്‍ എന്ന ഉണ്ണി മുകുന്ദന്റെ ചിത്രത്തിന് ശേഷം ടോവിനോ വില്ലന്‍ വേഷം ചെയ്യുന്ന രണ്ടാമത്തെ ചിത്രമാണ് ‘മാരി 2’.
മാരി ടുവിലെ കഥാപാത്രത്തിന്റെ പ്രത്യേകതകളനുസരിച്ച് ശക്തനായ ഒരു അഭിനേതാവിനെയാണ് മാരി 2 വിന്റെ വില്ലന്‍ വേഷത്തിനായി അന്വേഷിച്ചത്. എന്നാല്‍ അത് നിലവില്‍ സിനിമാമേഖലയില്‍ കഴിവു തെളിയിച്ച ആളാകുകയും വേണം അങ്ങിനെയാണ് ഞങ്ങള്‍ ടൊവീനോ തോമസിലേയ്ക്ക് എത്തിയത്. ബാലാജി പറഞ്ഞു.
ധനുഷിന്റെ നായികയായിയെത്തുന്നത് സായ് പല്ലവിയാണ്, ചിത്രത്തില്‍ ഓട്ടോ ഓടിക്കുന്ന യുവതിയായാണ് താരം വേഷമിടുന്നത് എന്ന് സൂചനയുണ്ട്. ബാലാജി മോഹന്‍ തന്നെയാണ് ചിത്രത്തിന് വേണ്ടി തിരക്കഥ എഴുതിയിരിക്കുന്നത്. വിദ്യാ പ്രദീപ്, വരലക്ഷമി ശരത്ത് കുമാര്‍, റോബോ ശങ്കര്‍, നിഷ തുടങ്ങിയവര്‍ പ്രധാന വേഷങ്ങള്‍ കൈകാര്യം ചെയ്യുന്നുണ്ട്. നീണ്ട പത്ത് വര്‍ഷങ്ങള്‍ക്ക് ശേഷം യുവാന്‍ ശങ്കര്‍ രാജ ധനുഷിന് വേണ്ടി സംഗീതം ഒരുക്കുന്ന ചിത്രം കൂടിയാണ് ‘മാരി 2’. 2015 ല്‍ പുറത്തിറങ്ങിയ മാരിയില്‍ ഗായകന്‍ വിജയ് യേശുദാസായിരുന്നു വില്ലന്‍.
Leave a Comment