വൃഷ്ടിപ്രദേശത്ത് കനത്ത മഴയും നീരെയുക്കും, ചെറുതോണി അണക്കെട്ടിന്റെ മുഴുവന്‍ ഷട്ടറും തുറന്നു; സെക്കന്റില്‍ തുറന്നുവിടുന്നത് ആറ് ലക്ഷം ലിറ്റര്‍ വെള്ളം

ഇടുക്കി: ചെറുതോണി അണക്കെട്ടിന്റെ മുഴുവന്‍ ഷട്ടറുകളും വീണ്ടം തുറന്നു. വൃഷ്ടിപ്രദേശത്ത് കനത്ത മഴ തുടരുന്ന സാഹചര്യത്തിലാണ് ഷട്ടര്‍ തുറക്കാനുള്ള കെഎസ്ഇബിയുടെ തീരുമാനം.പെരിയാര്‍ തീരത്തുള്ളവര്‍ ജാഗ്രത പാലിക്കണമെന്ന് ജില്ലാ കളക്ടര്‍ മുന്നറിയിപ്പ് നല്‍കിയിട്ടുണ്ട്.

2397.16 അടിയാണ് ഇടുക്കി അണക്കെട്ടിലെ ഇപ്പോഴത്തെ ജലനിരപ്പ്. ചെറിയ ഇടവേളക്ക് ശേഷം ഇടുക്കിയില്‍ മഴ പിന്നോട്ടു നിന്നെങ്കിലും വൃഷ്ടിപ്രദേശത്ത് ഇടവിട്ടുള്ള മഴയുണ്ടായിരുന്നു. അണക്കെട്ടിലേക്ക് ഒഴുകിയെത്തുന്ന വെള്ളത്തിന്റെ അളവ് വീണ്ടും കൂടുകയും ചെയ്തിരുന്നു.

ഈ സാഹചര്യത്തിലാണ് അണക്കെട്ടിന്റെ കഴിഞ്ഞ ദിവസം അടച്ച ഒരു ഷട്ടര്‍ ഉച്ചയ്ക്ക് ശേഷം തുറന്നത്. നീരൊഴുക്ക് വീണ്ടും കൂടിയ സാഹചര്യത്തിലാണ് അഞ്ചാമത്തെ ഷട്ടറും തുറക്കാന്‍ തീരുമാനിച്ചത്.