കൊവിഡ് ബാധിച്ച് മരിക്കുന്നവരുടെ മുഖം ബന്ധുക്കളെ കാണിക്കാന്‍ തീരുമാനം; മാനദണ്ഡങ്ങള്‍ പാലിച്ച് മതപരമായ ചടങ്ങുകള്‍ നടത്താം

തിരുവനന്തപുരം: കൊവിഡ് ബാധിച്ച് മരിക്കുന്നവരുടെ മുഖം അവസാനമായി ബന്ധുക്കളെ കാണിക്കാന്‍ മാനദണ്ഡങ്ങളില്‍ ഇളവ്. ഇതുസംബന്ധിച്ച് ആരോഗ്യവകുപ്പും തദ്ദേശ ഭരണ വകുപ്പുമാണ് ഇതു സംബന്ധിച്ച നിര്‍ദേശമിറക്കിയത്. സംസ്‌കാരത്തിന് മാനദണ്ഡങ്ങള്‍ പാലിച്ച് മതപരമായ ചടങ്ങുകള്‍ നടത്താമെന്നും പുതിയ മാര്‍ഗനിര്‍ദേശത്തില്‍ പറയുന്നു.

ട്രിപ്പിള്‍ ലെയര്‍ ബാഗിലാണ് മൃതദേഹം സംസ്‌കാരത്തിന് വിട്ടുനല്‍കേണ്ടത്. മുഖമുള്ള ഭാഗത്തെ സിബ് മാത്രം നീക്കി ബന്ധുക്കളെ കാണിക്കാം. എന്നാല്‍ മൃതദേഹത്തില്‍ സ്പര്‍ശിക്കാനോ ചുംബിക്കാനോ കുളിപ്പിക്കാനോ പാടില്ല. സംസ്‌കാര ചടങ്ങില്‍ പങ്കെടുക്കുന്നവര്‍ വീട്ടില്‍ നിരീക്ഷണത്തില്‍ കഴിയണം. സംസ്‌കാര ചടങ്ങില്‍ വളരെ കുറച്ച് ആളുകള്‍ മാത്രമേ പങ്കെടുക്കാവൂ. പത്ത് വയസ്സില്‍ താഴെയും അറുപത് വയസ്സിനു മുകളില്‍ ?പ്രായമുള്ളവരും ചടങ്ങില്‍ പങ്കെടുക്കരുത്. മൃതദേഹം കൊണ്ടുപോകുന്ന ആംബുലന്‍സും സ്‌ട്രെക്ചറും അണുവിമുക്തമാക്കണം.

ആഴത്തില്‍ കുഴിയെടുത്തോ ദഹിപ്പിച്ചോ മൃതദേഹങ്ങള്‍ സംസ്‌കരിക്കാം. മതപരമായ ചടങ്ങുകള്‍ നിശ്ചിത അകലം പാലിച്ചാണ് നടത്തേണ്ടത്. പ്രാര്‍ത്ഥനകളും കര്‍മ്മങ്ങളും നടത്തുന്നതിന് മാനദണ്ഡം പാലിക്കണം. ആരോഗ്യ വകുപ്പിലേയോ തദ്ദേശഭരണ സ്ഥാപനങ്ങളിലേയോ ജീവനക്കാരുടെ നിര്‍ദേശള്‍ക്ക്ശി അനുസരിച്ചായിരിക്കണം സംസ്‌കാരം നടത്തുന്ന സ്ഥലത്തേക്ക് കൊണ്ടുപോകേണ്ടതെന്നും പുതിയ മാര്‍ഗനിര്‍ദേശത്തില്‍ പറയുന്നു.

കൊവിഡ് മരണങ്ങളില്‍ മൃതദേഹങ്ങള്‍ മതാചാര പ്രകാരം സംസ്‌കരിക്കാന്‍ അനുവദിക്കണമെന്ന് വിവിധ സമുദായിക സംഘടനകളില്‍ നിന്നുയര്‍ന്ന ആവശ്യത്തെ തുടര്‍ന്നാണ് സര്‍ക്കാര്‍ ഇളവുകള്‍ വരുത്തുന്നത്.

follow us pathramonline

Similar Articles

Comments

Advertisment

Most Popular

ഫുട്ബോൾ ഇതിഹാസം ഡീഗോ അർമാൻഡോ മാറഡോണ അന്തരിച്ചു

ബ്യൂണസ് ഐറിസ്: ഫുട്ബോൾ ഇതിഹാസം ഡീഗോ അർമാൻഡോ മാറഡോണ (60) അന്തരിച്ചു. ഈ മാസം തലച്ചോറിൽ രക്തം കട്ടപിടിച്ചതിനെ തുടർന്ന് അടിയന്തിര ശസ്ത്രക്രിയയ്ക്കു വിധേയനാക്കിയ അദ്ദേഹത്തിന് പിൻവാങ്ങൽ ലക്ഷണങ്ങളും (വിത്ത്ഡ്രോവൽ സിംപ്റ്റംസ്) ഉണ്ടായിരുന്നു....

സംസ്ഥാനത്ത് ഇന്ന് 5254 പേര്‍ക്ക് കോവിഡ്

സംസ്ഥാനത്ത് ഇന്ന് 5254 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം 796, കോഴിക്കോട് 612, തൃശൂര്‍ 543, എറണാകുളം 494, പാലക്കാട് 468, ആലപ്പുഴ 433, തിരുവനന്തപുരം 383, കോട്ടയം 355, കൊല്ലം 314,...

തൊഴില്‍ സമയം 12 മണിക്കൂറാക്കി ഉയര്‍ത്താന്‍ കേന്ദ്ര നീക്കം; കരട് വിജ്ഞാപനം പുറത്ത്

ന്യൂഡല്‍ഹി: ജോലി സമയം പന്ത്രണ്ട് മണിക്കൂറാക്കി ഉയര്‍ത്താനൊരുങ്ങി കേന്ദ്ര തൊഴില്‍ മന്ത്രാലയം. ഒമ്പത് മണിക്കൂര്‍ ജോലി എന്ന വ്യവസ്ഥയെ 12 മണിക്കൂറാക്കി ഉയര്‍ത്താനുള്ള പുതിയ നിയമവം അഭിപ്രായ രൂപീകരണത്തിന് വിട്ടിരിക്കുകയാണ് കേന്ദ്ര സര്‍ക്കാര്‍. തൊഴില്‍...