ചെറുതോണി ഡാമിന്റെ മുഴുവന്‍ ഷട്ടറും വീണ്ടും തുറക്കാന്‍ സാധ്യത; മഴ കനത്തു: പെരിയാറിന്റെ തീരത്ത് ജാഗ്രത നിര്‍ദേശം

ഇടുക്കി: ചെറുതോണി അണക്കെട്ടിന്റെ ഷട്ടറുകള്‍ വീണ്ടും തുറന്നേക്കും. വൃഷ്ടി പ്രദേശത്ത് മഴ ശക്തമായ സാഹചര്യത്തില്‍ ഇന്നലെ അടച്ച രണ്ട് ഷട്ടറുകള്‍ തുറക്കാനാണ് കെഎസ്ഇബിയുടെ നീക്കം. പെരിയാറിന്റെ തീരത്തുള്ളവര്‍ ജാഗ്രത പാലിക്കണമെന്ന് മുന്നറിയിപ്പ് നല്‍കിയിട്ടുണ്ട്. നിലവില്‍ ഇടുക്കി അണക്കെട്ടിലെ വെള്ളത്തിന്റെ അളവ് 2397.06 അടിയാണ്.

ജലനിരപ്പ് 2,397 അടിയിലേക്ക് താഴ്ന്നതിനെത്തുടര്‍ന്നാണ് ഇന്നലെ രണ്ട് ഷട്ടറുകള്‍ അടച്ചത്. മൂന്ന് ഷട്ടറുകളിലൂടെ ഒഴുക്കിവിടുന്ന വെള്ളത്തിന്റെ അളവ് കുറയ്ക്കുകയും ചെയ്തിരുന്നു. കനത്ത മഴ തുടരുന്ന സാഹചര്യത്തിലാണ് ഒഴുക്കി വിടുന്ന വെള്ളത്തിന്റെ അളവ് കൂട്ടാനുള്ള കെഎസ്ഇബിയുടെ തീരുമാനം.