ശുഹൈബിനെ വെട്ടിയത് ആകാശ് തില്ലങ്കേരിയല്ലന്ന് വെളിപ്പെടുത്തല്‍

കണ്ണൂര്‍: യൂത്ത് കോണ്‍ഗ്രസ് നേതാവ് ശുഹൈബിനെ വെട്ടിക്കൊലപ്പെടുത്തിയ സംഘത്തില്‍ ഇപ്പോള്‍ പൊലിസ് അറസ്റ്റ് ചെയ്ത ആകാശ് തില്ലങ്കേരിയില്ലെന്ന് നൗഷാദ്. ശുഹൈബിനൊപ്പം ആക്രമിക്കപ്പെട്ടയാളാണ് നൗഷാദ്.

ശുഹൈബിനെ ആക്രമിച്ചത് മൂന്നു പേര്‍ ചേര്‍ന്നാണ്. എന്നാല്‍, ആകാശ് തില്ലങ്കേരിയോളം ശരീരവലുപ്പമില്ലാത്തവരാണ് ആക്രമിച്ചതെന്നും നൗഷാദ് പറഞ്ഞു. ആക്രമത്തിനായി ഉപയോഗിച്ചത് പുറകോട്ടു വളഞ്ഞ കനംകൂടിയ വാളാണ്. ഏകദേശം 26-27 വയസ്സുള്ളവരാണ് ആക്രമികളെന്നും നൗഷാദ് സ്വകാര്യ ചാനലിനോട് പറഞ്ഞു.