മനാമ: ഇന്ത്യയുൾപ്പെടെ 5 രാജ്യങ്ങളിൽ നിന്നു വരുന്നവർ ബഹ്‌റൈനിൽ 10 ദിവസം ക്വാറൻ‌റീനിൽ കഴിയണമെന്നു കോവിഡ് നിയന്ത്രണത്തിനായുള്ള ദേശീയ മെഡിക്കൽ ടീം. പാക്കിസ്ഥാൻ, ബംഗ്ലദേശ്, നേപ്പാൾ, ശ്രീലങ്ക എന്നിവയാണു മറ്റു രാജ്യങ്ങൾ.
6 വയസ്സിൽ കൂടുതലുള്ള ട്രാൻസിറ്റ് യാത്രക്കാർ ഉൾപ്പെടെ യാത്ര പുറപ്പെടുന്നതിന് 48 മണിക്കൂറിനകത്ത് സമ്പാദിച്ച പിസി‌ആർ പരിശോധനാ റിപ്പോർട്ട് ഹാജരാക്കണം. ക്യു‌ആർ കോഡ് സംവിധാനമുള്ളതാകണം റിപ്പോർട്ട്.
ബഹ്‌റൈനിൽ എത്തിയ ഉടനെയും 5-ാം ദിവസവും 10–ാം ദിവസവും പിസി‌ആർ പരിശോധന നടത്തി റിപ്പോർട്ട് നൽകണം.
ക്വാറന്റീൻ സ്വന്തം താമസ സ്ഥലത്തോ ക്വാറന്റീൻ സംവിധാനത്തിന് അംഗീകാരം ലഭിച്ച ഹോട്ടലുകളിലോ ആകാവുന്നതാ‍ണ്.
