പൊതുവേ സിനിമാ താരങ്ങള്‍ ഫിറ്റിനസ്സിന്റെ കാര്യത്തില്‍ നല്ല ശ്രദ്ധ ചെലുത്തുന്നവരാണ്. എന്നാല്‍ മമ്മൂട്ടിയുടെ അത്ര ശ്രദ്ധ ചെലുത്താത്തയാളാണ് മോഹന്‍ലാല്‍ എന്നാണ് പലപ്പോഴും പറഞ്ഞ് കേട്ടിട്ടുള്ളത്. എന്നാല്‍ ഒടിയന് വേണ്ടി മോഹന്‍ലാല്‍ നടത്തിയ രൂപമാറ്റങ്ങള്‍ ഏറെ ശ്രദ്ധ നേടിയിരുന്നു. അതിനു ശേഷം തന്റെ ശരീരം കാത്തുസൂക്ഷിക്കുന്നതില്‍ ഏറെ ശ്രദ്ധ ഇദ്ദേഹം പുലര്‍ത്താറുമുണ്ട്. അടുത്തിടെ ലാലേട്ടന്‍ ജിമ്മില്‍ വര്‍ക്ക് ഔട്ട് ചെയ്യുന്ന ചിത്രങ്ങളും വിഡിയോയുമൊക്കെ സോഷ്യല്‍ മീഡിയയില്‍ വൈറലായിരുന്നു. ഇപ്പോഴിതാ മറ്റൊരു വീഡിയോ സോഷ്യല്‍മീഡിയയില്‍ വൈറലായിരിക്കുകയാണ്.
ലോക്ക് ഡൗണ്‍ തുടങ്ങിയതുമുതല്‍ ചെന്നൈയില്‍ ആണ് ലാലേട്ടന്‍. ചെന്നൈയിലെ വീട്ടില്‍ നിന്നുള്ള വിഡിയോകളും ചിത്രങ്ങളുമൊക്കെ ഇതിനകം സോഷ്യല്‍മീഡിയയില്‍ വൈറലായിട്ടുണ്ട്. മെയ് 21ന് തന്റെ അറുപതാം പിറന്നാള്‍ ദിനത്തില്‍ കട്ടത്താടി വെച്ചുള്ള ചിത്രങ്ങളും പുറത്തുവന്നിരുന്നു. അതിനുശേഷമാണിപ്പോള്‍ ജിം വര്‍ക്കൗട്ട് വിഡിയോ വന്നിരിക്കുന്നത്.
ഫാന്‍സ് ഗ്രൂപ്പുകളിലൂടെയാണ് വീഡിയോ വൈറലായിരിക്കുന്നത്. വിഡിയോ കണ്ട് ഭീമനാകാനുള്ള ഒരുക്കത്തിലാണോ എന്നൊക്കെ ചിലര്‍ ചോദിക്കുന്നുണ്ട്. സൂപ്പര്‍ ഹിറ്റായ ദൃശ്യത്തിന്റെ രണ്ടാം ഭാഗത്തിന്റെ ഷൂട്ടിങ് ഓഗസ്റ്റ് 17ന് തൊടുപുഴയില്‍ ആരംഭിക്കാനിരിക്കുകയുമാണ്.
