ലോക്ഡൗണ്‍ ചട്ടലംഘനം നടത്തുന്നവരെ പൊലീസ് ശിക്ഷിക്കുന്നതായുള്ള പരാതിക്കിടെ, ബംഗളൂരു ശിവമൊഗ്ഗയിലെ ശിക്കാരിപുരയില്‍ ഗൃഹനാഥന്‍ പൊലീസിന്റെ ലാത്തിയടിയേറ്റ് മരിച്ചതായി ആരോപിച്ച് കുടുംബാംഗങ്ങള്‍. സുന്നടക്കൊപ്പ സ്വദേശി ലക്ഷ്മണ്‍ നായക്കാണ് മരിച്ചത്. പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ച ശേഷം, സംഭവം അന്വേഷിക്കുമെന്ന് എസ്പി കെ.എം.ശാന്താരാജു ഉറപ്പു നല്‍കി. ശനിയാഴ്ച ലക്ഷ്മണ്‍ നായക്കും മകന്‍ രാമചന്ദ്രയും കൂടി ഗുഡ്‌സ് ഓട്ടോയില്‍ പോകുന്നതിനിടെയാണ് പൊലീസ് തടഞ്ഞത്. ഓട്ടോയ്ക്ക് ഉള്ളില്‍ ഇയാള്‍ കുഴഞ്ഞു വീഴുകയായിരുന്നെന്നാണ് പൊലീസ് വാദം.
