കൊച്ചി:’സണ്‍ഡേ ഹോളിഡേ’ എന്ന സൂപ്പര്‍ഹിറ്റ് ചിത്രത്തിനു ശേഷം ആസിഫ് അലിയെ നായകനാക്കി ജിസ് ജോയി വീണ്ടും ചിത്രം ഒരുക്കുന്നു. ‘വിജയ് സൂപ്പറും പൗര്‍ണമിയും’ എന്ന് പേരിട്ടിരിക്കുന്ന ചിത്രത്തിന്റെ ഷൂട്ടിംഗ് അടുത്ത മാസം ആരംഭിക്കും. ജിസ് ജോയി ഒരുക്കുന്ന മൂന്നാം ചിത്രമാണിത്. പുതിയ ചിത്രത്തിന്റെ തിരക്കഥയും ജിസ് ജോയ് തന്നെയാണ് ഒരുക്കിയിരിക്കുന്നത്.
മംമ്ത മോഹന്‍ദാസ് ആണ് ചിത്രത്തില്‍ നായിക. ശാന്തി കൃഷ്ണ ,രഞ്ജി പണിക്കര്‍, സിദ്ദിഖ് തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.സൂര്യ ഫിലിംസിന്റെ ബാനറില്‍ സുനില്‍ എ കെ ആണ് ചിത്രം നിര്‍മ്മിക്കുന്നത്. ആസിഫിന്റേതായി മന്ദാരം എന്ന റൊമാന്റിക് ചിത്രമാണ് ഇനി പുറത്തുവരാനുള്ളത്.
