തൊടുപുഴ: കൊട്ടക്കമ്പൂര്‍ ഭൂമി ഇടപാട് കേസില്‍ ജോയിസ് ജോര്‍ജ് എംപിയ്ക്ക് പൊലീസിന്റെ ക്ലീന്‍ ചിറ്റ്. മൂന്നാര്‍ ഡിവൈഎസ്പിയാണ് തൊടുപുഴ കോടതിയില്‍ ജോയിസ് ജോര്‍ജിന് അനുകൂലമായി റിപ്പോര്‍ട്ട് നല്‍കിയത്.
ജോയിസ് ജോര്‍ജിന് ഭൂമി ലഭിച്ചത് നിയമപരമായ വഴികളിലൂടെയാണ്. കേസ് അന്വേഷിക്കാന്‍ മതിയായ രേഖകള്‍ ലഭിച്ചില്ല. പണം നല്‍കി ഭൂമി വാങ്ങിയത് ജോയിസ് ജോര്‍ജിന്റെ പിതാവാണെന്നും പിന്നീട് സര്‍ക്കാര്‍ 200ല്‍ പട്ടയം നല്‍കിയെന്നും റിപ്പോര്‍ട്ടില്‍ പറയുന്നു. കേസന്വേഷണം അവസാനിപ്പിക്കാന്‍ അനുമതി നല്‍കണമെന്നും പൊലീസ് ആവശ്യപ്പെട്ടു.
