20.4 C
Kerala
April 22, 2018

X'MAS SPECIAL

ഗൂഗിളിനെയും തോല്‍പ്പിച്ചു, ക്രിസ്തുവിന്റെ ഫോട്ടോയുടെ കാര്യത്തില്‍…!

ദുബായ്: ലോകമെങ്ങും ക്രിസ്മസ് ആഘോഷത്തിനുള്ള ഒരുക്കത്തിലാണ്. പുല്‍ക്കൂട് ഒരുക്കിയും വ്യത്യസ്ത ക്രിസ്മസ് സ്റ്റാര്‍ സംഘടിപ്പിച്ചും ഓരോരുത്തരും തിരക്കിലാണ്. എന്നാല്‍ ഇതില്‍നിന്നെല്ലാം വ്യത്യസ്തമായി ക്രിസ്മസ് ആഘോഷമൊരുക്കിയിരിക്കുകായാണ് ദുബായില്‍ താമസിക്കുന്ന ചങ്ങനാശേരി സ്വദേശി ലോറന്‍സ് മാമ്മന്‍. 25 വര്‍ഷമായി ക്രിസ്തുവിന്റെ ചിത്രങ്ങള്‍ ശേഖരിച്ച് ലോകത്തെ തന്നെ ഞെട്ടിച്ചിരിക്കുകാണ് ലോറന്‍സ് മാമ്മന്‍. ക്രിസ്തു ചിത്രങ്ങളുടെ കാര്യത്തില്‍ ഗൂഗിളിനെയും കടത്തി വെട്ടിയെന്നാണ് ലോറന്‍സ് പറയുന്നത്. ഗൂഗിളില്‍ ക്രിസ്തുവിന്റെ ചിത്രങ്ങള്‍ സേര്‍ച്ച് ചെയ്താല്‍ നിങ്ങള്‍ക്ക് എത്ര ഫോട്ടോ ലഭിക്കും..? എന്നാല്‍ അതിലും കൂടുതല്‍ തന്റെ പക്കലുണ്ടെന്നു ദുബായില്‍ സ്വകാര്യ കമ്പനിയില്‍ ജീവനക്കാരനായ ലോറന്‍സ് പറഞ്ഞു.
ഈയിടെ അബുദാബി ലൂവ്ര്‍ ആര്‍ട് മ്യൂസിയം സ്വന്തമാക്കിയ ഡാവിഞ്ചി ചിത്രം സാല്‍വത്തോര്‍ മുന്‍ഡിയുടെ പകര്‍പ്പ് മുതല്‍ പുല്‍ക്കൂട്ടില്‍ പാല്‍പുഞ്ചിരിയുമായി ശയിക്കുന്ന ഉണ്ണിയേശുവിന്റെ ചിത്രംവരെ ലോറന്‍സിന്റെ ശേഖരത്തിലുണ്ട്. ചെറുപ്പത്തിലെ തുടങ്ങിയ ശീലം ഹരമായി മാറിയതിന്റെ ഫലമാണു ശേഖരം. ദേവാലയങ്ങളില്‍നിന്നെല്ലാം ചിത്രങ്ങള്‍ സമ്പാദിച്ചതുകൂടാതെ, കൂട്ടുകാരും ബന്ധുക്കളും വഴി ലോകത്തിന്റെ വിവിധയിടങ്ങളില്‍ നിന്നെല്ലാം ചിത്രങ്ങള്‍ സ്വന്തമാക്കി. കയ്യിലുള്ള ചിത്രങ്ങളെല്ലാം ചേര്‍ത്തുവച്ച് ഒരു ബാനറും ലോറന്‍സ് നിര്‍മിച്ചു.
ചിത്രശേഖരങ്ങള്‍ സൂക്ഷിക്കുന്നതിനൊപ്പം അതെല്ലാം ഡിജിറ്റല്‍ ഫോര്‍മാറ്റിലാക്കാനും ശ്രദ്ധിക്കുന്നുണ്ട്. പേനകളുടെയും വമ്പന്‍ ശേഖരവും ലോറന്‍സിന്റെ പക്കലുണ്ട്. പേനകളും കോഫി മഗുകളും കൂട്ടിവച്ച് ബുര്‍ജ് ഖലീഫയുടെ മാതൃകയും നിര്‍മിച്ചിരുന്നു. കേരളത്തില്‍ ഏറ്റവും കൂടുതല്‍ പേനകളുടെ ശേഖരം തന്റെ പക്കലാണെന്നു ലോറന്‍സ് അവകാശപ്പെടുന്നു. ദുബായ് പൊലീസിലെ ഉദ്യോഗസ്ഥപ്രമുഖരെ കൂടാതെ, മലയാളത്തിലും തമിഴിലും ഉള്‍പ്പെടെയുള്ള പ്രമുഖരുടെ കൂടെനിന്നു പകര്‍ത്തിയ ഫോട്ടോകളുടെ വലിയ ശേഖരവും ലോറന്‍സിന്റെ പക്കലുണ്ട്. മുപ്പതോളം വര്‍ഷം മുന്‍പ് തറവാട്ട് വീട്ടില്‍ മദര്‍ തെരേസ സന്ദര്‍ശിച്ചപ്പോഴുള്ള ചിത്രമാണു നിധിപോലെ ലോറന്‍സ് സൂക്ഷിച്ചിരിക്കുന്ന മറ്റൊന്ന്. ദിനപത്രങ്ങളില്‍ വന്ന വ്യത്യസ്ത തലക്കെട്ടുകള്‍, വ്യത്യസ്തത പുലര്‍ത്തുന്ന വാര്‍ത്താ ചിത്രങ്ങള്‍, വ്യത്യസ്തതയുള്ള അടിക്കുറിപ്പുകള്‍ തുടങ്ങിയവയുടെയും മികച്ച ശേഖരവും ലോറന്‍സിന്റെ കൈവശമുണ്ട്.

ക്രിസ്മസിന് ട്രെന്‍ഡായി ജിമിക്കി സ്റ്റാറും, ചള്‍ക്കാ പുള്‍ക്കിയും

ചള്‍ക്കാ പുള്‍ക്കി, പേര് കേട്ടാല്‍ തന്നെ ചിരിപൊട്ടും. എന്നാല്‍ ഇക്കുറി ക്രിസ്മസ് ആഘോഷിക്കാന്‍ കേരളത്തിലെത്തിയ ഒരാളിത്. ഒരു ഇത്തിരികുഞ്ഞന്‍ നക്ഷത്രം. എങ്ങനെ നിലത്തിട്ടാലും നക്ഷത്രമായി കിടക്കും. ഫ്‌ലൂറസെന്റ് പേപ്പറില്‍ തീര്‍ത്ത ഇത്തരം നക്ഷത്രങ്ങള്‍ രാത്രി തിളങ്ങും. എറണാകുളം ബ്രോഡ് വേ മേത്തര്‍ ബസാറിലും മറ്റും ഇത്തരം നക്ഷത്രങ്ങള്‍ക്ക് ആവശ്യക്കാരേറെയാണ്. കൂടൊന്നിന് 40 രൂപയാണ് വില. കളറില്ലാത്ത വെള്ള നക്ഷത്രങ്ങള്‍ക്ക് 20 രൂപയും. കൂടാതെ പേപ്പിറില്‍ തീര്‍ത്ത ജിമിക്കി കമ്മല്‍ സ്റ്റാറും വിപണിയിലെ ട്രെന്‍ഡാണ്. 165 രൂപയാണ് ഇവയുടെ വില.

ഈ ക്രിസ്തുമസ്സിന് രുചികരമായ കേക്ക് വീട്ടില്‍ തന്നെയുണ്ടാക്കാം..

ക്രിസ്മസ് ആയി കേക്കില്ലാത്ത എന്ത് ക്രിസ്മസ് അല്ലേ? ഇത്തവണത്തെ ക്രിസ്മസിന് കേക്ക് വീട്ടില്‍ തന്നെ ഉണ്ടാക്കാന്‍ ഒന്നു ശ്രമിച്ചാലോ? പലരും വീട്ടില്‍ നല്ല രുചികരമായ കേക്ക് ഉണ്ടാക്കാറുണ്ട്. എന്നാല്‍ ഇതുരെ അങ്ങനെ ഒരു പരീക്ഷണം നടത്താത്തവര്‍ക്ക് ഇത്തവണത്തെ ക്രിസ്മസിന് കേക്ക് വീട്ടില്‍ തന്നെ ഒന്ന് പരീക്ഷിച്ചു നോക്കാം. എല്ലാവരും കരുതുന്നപോലെ അത്രവലിയ ബുദ്ധിമുട്ടുള്ള പണിയൊന്നുമല്ല കേക്ക് ഉണ്ടാക്കല്‍. രുചികരമായ കേക്ക് എങ്ങനെയുണ്ടാക്കാമെന്ന് നോക്കാം.

ഡേറ്റ്‌സ് ആന്റ് വാള്‍നട്ട് കേക്ക്

ചേരുവകള്‍
മുട്ട – 3 എണ്ണം
മൈദ – 1 കപ്പ്
വെണ്ണ – 1 കപ്പ്
ഈന്തപ്പഴം (അരിഞ്ഞത്) – 1/2 കപ്പ്
വാള്‍നട്ട് (അരിഞ്ഞത് ) – 1/2 കപ്പ്
ഉപ്പ് – ഒരു നുള്ള്
ബേക്കിങ് പൗഡര്‍ 1 ടീസ്പൂണ്‍
പഞ്ചസാര – 1 കപ്പ് ( പൊടിച്ചത് )

പാകം ചെയ്യുന്ന വിധം;

വെണ്ണയും പഞ്ചസാരയും നന്നായി അടിച്ചു പതപ്പിക്കുക. ഇതിലേക്കു മുട്ട ഓരോന്നായി ചേര്‍ത്തടിക്കുക. ഈ കൂട്ടിലേക്ക് അരിഞ്ഞ ഈന്തപ്പഴവും വാല്‍നട്ടും ഒരുമിച്ചരിച്ചെടുത്ത ഉപ്പ്, മൈദ, ബേക്കിങ് പൗഡര്‍ ഇവ ചേര്‍ത്തു നന്നായി ഇളക്കി യോജിപ്പിക്കുക.

അടിക്കട്ടിയുള്ള നോണ്‍സ്റ്റിക്ക് പാത്രത്തില്‍ വെണ്ണ തടവി ചൂടായാല്‍ കൂട്ടൊഴിച്ച് ഓടിനുമീതെ ചെറുതീയില്‍ അടച്ചുവച്ച് ചുട്ടെടുക്കുക. അല്ലെങ്കില്‍ പ്രീഹീറ്റ് ചെയ്ത അവ്‌നില്‍ 200 ഡിഗ്രിയില്‍ 10-15 മിനിറ്റ് വച്ചു ചുട്ടെടുക്കുക. നല്ല രുചികരമായ കേക്ക് റെഡി. എന്താ ഒന്ന് പരീക്ഷിക്കുകയല്ലേ?

ക്രിസ്മസിന് പാലപ്പവും മട്ടന്‍ പെപ്പര്‍ ഫ്രൈയും

ക്രിസ്മസ് , ഓണം, വിഷു, പെരുന്നാള്‍ ആഘോഷം എതായാലും നാവിന് രൂചിയൂറുന്ന വിഭവം വേണം. എല്ലാ ആഘോഷങ്ങളുടെയും പ്രത്യേകത അതുതന്നെ. ദേ ക്രിസ്മസ് എത്തികഴിഞ്ഞു. ക്രിസ്മസിന് അപ്പം ഒഴിച്ചുകൂടാവാനത്ത ഒരു വിഭവമാണ്. പാലപ്പം മത്രമല്ല ഒപ്പം കൂടെ കഴിക്കാന്‍ ഇത്തവണ മട്ടന്‍ പെപ്പര്‍ ഫ്രൈ ആയാലോ? നല്ല പാലപ്പവും മട്ടന്‍ പെപ്പര്‍ ഫ്രൈയും എങ്ങനെയുണ്ടാക്കാമെന്ന് നോക്കാം.

പാലപ്പം – ചേരുവകള്‍

അരിപ്പൊടി – 1 കിലോ
മുട്ട – ഒന്ന്
തേങ്ങാപ്പാല്‍ – ഒരു തേങ്ങയുടേത്
യീസ്റ്റ് – 1/2 ടീസ്പൂണ്‍
പാല്‍ – അര ലിറ്റര്‍
പഞ്ചസാര – 2 ടേബിള്‍സ്പൂണ്‍
ഉപ്പ് – പാകത്തിന്

പാകം ചെയ്യുന്ന വിധം

അരി എട്ടു മണിക്കൂര്‍ കുതിര്‍ത്ത് പൊടിച്ച് അരിച്ചെടുക്കുക. ബാക്കിവരുന്ന തരി കപ്പി കാച്ചിയെടുക്കുക. ഒരു പാത്രത്തില്‍ കപ്പി കാച്ചിയതും അരിപ്പൊടിയും തേങ്ങാപ്പാലും ചേര്‍ത്ത് സാവധാനം നല്ല മയത്തില്‍ കുഴച്ചെടുക്കുക. യീസ്റ്റ് കാല്‍ കപ്പ് ചെറുചൂടുവെള്ളത്തില്‍ അര ടീസ്പൂണ്‍ പഞ്ചസാരയോടൊപ്പം കലക്കി പത്തുമിനിറ്റ് പൊങ്ങാന്‍ വെക്കുക. പൊങ്ങിക്കഴിയുമ്പോള്‍ ഇതുകൂടി മാവിലേക്കൊഴിച്ച് കുഴയ്ക്കുക. ആറു മണിക്കൂര്‍ മാവ് പൊങ്ങാന്‍ വെക്കുക. അപ്പം ചുടുന്നതിനു മുമ്പ് ഒരു മുട്ട അരലിറ്റചര്‍ പാലില്‍ നന്നായി അടിച്ച് പതപ്പിച്ചെടുത്ത് മാവിലേക്ക് ചേര്‍ക്കുക. ഒരു മണിക്കൂറിനു ശേഷം പാകത്തിന് ഉപ്പും മധുരവും വേണ്ടവര്‍ക്ക് ആവശ്യത്തിന് മധുരവും ചേര്‍ത്ത് പാലപ്പം ചുടാം.

മട്ടണ്‍ പെപ്പര്‍ െ്രെഫ ചേരുവകള്‍

1. ഇറച്ചി – 250ഗ്രാം
2. കുരുമുളക് – 1 ടീസ്പൂണ്‍
3. പച്ചമുളക് – 6
4. ഇഞ്ചി – 2 ഇഞ്ച് കഷ്ണം
5. വെളുത്തുള്ളി – 8 അല്ലി
6. വലിയ ഉള്ളി – 2
7. മല്ലിപ്പൊടി – 2 ടേബിള്‍സ്പൂണ്‍
8. മഞ്ഞള്‍പ്പൊടി – 1/4 ടീസ്പൂണ്‍
9. ഗ്രാമ്പു – 4
10 പട്ട – 4 ഇഞ്ച് കഷ്ണം
11. തക്കാളി – 2
12. ചെറുനാരങ്ങ – പകുതി
13. എണ്ണ – 4 ടേബിള്‍ സ്പൂണ്‍
14 മല്ലിയില – 1/2 കെട്ട്
15 ഉപ്പ് പാകത്തിന്

പാകം ചെയ്യുന്ന വിധം

ഇറച്ചി ചെറിയ കഷ്ണങ്ങളാക്കുക. കുരുമുളക്, പച്ചമുളക്, ഇഞ്ചി, വെളുത്തുള്ളി, മല്ലിയില ഇവ ഒരുമിച്ച് അരച്ചെടുക്കുക. ഈ മസാല ഇറച്ചിയില്‍ തേച്ച് ചെറുനാരങ്ങാനീരും ഉപ്പും കൂടെ ചേര്‍ത്ത് യോജിപ്പിച്ച് 12 മണിക്കൂര്‍ വയ്ക്കണം. ഉള്ളിയും തക്കാളിയും കഷ്ണങ്ങളായി മുറിക്കുക. എണ്ണ ചൂടാകുമ്പോള്‍ ഉളളി ഇട്ട് ഇളക്കുക. ഇള്ളി ബ്രൗണ്‍ നിറമാകുമ്പോള്‍ ഇറച്ചി, പട്ട, ഗ്രാമ്പു, ഇവയിട്ട് എണ്ണ തെളിയുന്നതുവരെ വഴറ്റുക. ഇതില്‍ തക്കാളി, മല്ലിപ്പൊടി, മഞ്ഞള്‍പ്പൊടി ഇവ ചേര്‍ത്ത് അല്പനേരം കൂടെ വഴറ്റി ഒരു കപ്പ് വെള്ളം ഒഴിച്ച് പ്രഷര്‍കുക്കറില്‍ ഇരുപത് മിനിറ്റ് ചെറുതീയില്‍ വേവിക്കുക. ഇറച്ചി വെന്തശേഷം കുക്കര്‍ തുറന്ന് അടുപ്പത്തുവെച്ച് എണ്ണ തെളിയുന്നതുവരെ വേവിക്കുക. ഇറക്കി ചൂടോടെ ഉപയോഗിക്കുക.

പുമരം ഒടുവില്‍ പൂക്കാന്‍ എത്തുന്നു; ക്രിസ്മസിന്‌ തിയറ്ററുകളിലേക്ക്

പ്രേക്ഷകരുടെ ഏറെ നാളത്തെ കാത്തിരിപ്പിന് വിരാമമിട്ടുകൊണ്ട് കാളിദാസ് ജയറാം ആദ്യമായി നായക വേഷത്തിൽ എത്തുന്ന പൂമരം ഉടൻ തിയറ്ററുകളിൽ എത്തുമെന്ന് സൂചന. ക്രിസ്മസ് റിലീസായായിരിക്കും ചിത്രം തിയറ്ററുകളിൽ എത്തുകയെന്നും റിപ്പോർട്ടുണ്ട്.ചിത്രം ഡിസംബറിൽ റിലീസ് ആകും എന്ന് കാളിദാസന്റെ അച്ഛനും നടനുമായ ജയറാം തന്നെ ഒരു ടി വി ഷോയിലൂടെ അറിയിച്ചു.

എബ്രിഡ് ൻൈ സംവിധാനം ചെയ്യുന്ന ഈ ചിത്രത്തിൽ കാളിദാസിന് പുറമെ കുഞ്ചാക്കോ ബോബൻ, മീര ജാസ്മിൻ, ഗായത്രി സുരേഷ് എന്നിവരും വേഷമിടുന്നതായാണ് സൂചന. ഡോ പോൾ വർഗീസും എബ്രിഡ് ഷൈനും ചേർന്നാണ് ചിത്രം നിർമ്മിക്കുന്നത്.ചിത്രം കഴിഞ്ഞ ഫെബ്രുവരിയിൽ റിലീസ് ചെയ്യുമെന്നായിരുന്നു ആദ്യം പുറത്തുവന്ന വാർത്ത. എന്നാൽ റിലീസ് നീളുകയായിരുന്നു. ചിത്രത്തിന്റെ പേരിൽ നിരവധി ട്രോളുകളാണ് സമൂഹ മാധ്യമങ്ങളിൽ പ്രചരിച്ചിരുന്നത്. ചിത്രം ഉപേക്ഷിച്ചെന്നു വാർത്ത പോലും വന്നു.

Popular Articles