കൊച്ചി: ജോജു ജോർജ് ആദ്യമായി രചനയും സംവിധാനവും നിർവഹിക്കുന്ന ‘പണി’ തീയറ്ററുകളിലേക്കെത്തുന്നത് അഞ്ചു ഭാഷകളില്. മലയാളത്തിനു പുറമേ തമിഴ്, തെലുങ്ക്, കന്നഡ, ഹിന്ദി ഭാഷകളിലും ചിത്രം പ്രദര്ശനത്തിനെത്തും എന്നാണ് ഏറ്റവും പുതിയ വിവരം. ഇന്ത്യൻ സിനിമ ലോകത്തെ ഏറ്റവും വലിയ നിർമ്മാണ കമ്പനികളാണ് ഓരോ ഭാഷയിലും പടം റിലീസ് ചെയ്യുന്നത്.
ആദ്യം പുറത്തുവിട്ട രണ്ട് പോസ്റ്ററുകളും സോഷ്യൽ മീഡിയയിൽ വൻ തരംഗം സൃഷ്ട്ടിച്ചു. മറുഭാഷ താരങ്ങൾവരെ ആ പോസ്റ്റർ ഷെയർ ചെയ്തിരുന്നു.
വമ്പൻ ബഡ്ജറ്റിൽ നിർമ്മാണം പൂർത്തീകരിക്കുകയും ഇപ്പോൾ റിലീസിനൊരുങ്ങുകയും ചെയ്യുന്ന പണിയിലെ കഥാപാത്രമായ ഗിരിയായി ജോജു ജോർജ്ജ് അഭിമാനിക്കുമ്പോൾ ആ ഒരു വർഷക്കാലം മറ്റൊരു പടം പോലും ചെയ്തിട്ടില്ല എന്നത് ഈ സിനിമയിലേക്കുള്ള പ്രേക്ഷകരുടെ പ്രതീക്ഷകൾക്കും ആകാംക്ഷകൾക്കും ആക്കം കൂട്ടുകയാണ്..
നേരത്തേ പുറത്തുവിട്ട ചിത്രത്തിന്റെ പോസ്റ്ററും ‘ഗിരി ആൻഡ് ഗൗരി ഫ്രം പണി’ എന്ന ക്യാപ്ഷനിൽ എത്തിയ നായികാനായകന്മാരുടെ ചിത്രങ്ങളും സോഷ്യൽ മീഡിയ ഏറ്റെടുത്തിരുന്നു. ചിത്രത്തില് ജോജുവിന്റെ നായികയായി എത്തുന്ന അഭിനയ യഥാർഥ ജീവിതത്തിൽ സംസാരശേഷിയും കേൾവി ശക്തിയും ഇല്ലാത്ത പെൺകുട്ടിയാണ്. തമിഴ്, തെലുങ്ക് ഭാഷകളിലും അഭിനയ വേഷമി ട്ടിട്ടുണ്ട്.
പരിമിതികൾ സ്വപ്നങ്ങൾക്ക് തടസ്സമല്ലെന്ന് തെളിയിച്ച അഭിനയ ജോജുവിന്റെ നായികയായി വീണ്ടും മലയാളത്തിൽ എത്തുന്നത് ഒത്തിരി പ്രതീക്ഷയോടെയാണ് ആരാധകർ കാണുന്നത്. മുൻ ബിഗ്ബോസ് താരങ്ങളായ സാഗർ, ജുനൈസ്, ഗായിക അഭയ ഹിരൺമയി, പ്രശാന്ത് അലക്സ്, സുജിത് ശങ്കർ തുടങ്ങി വൻ താരനിരയും, കൂടാതെ അറുപതോളം പുതിയ താരങ്ങളും കൂടെ ആയിരകണക്കിന് ജൂനിയർ ആർട്ടിസ്റ്റുകളും ചിത്രത്തില് അഭിനയിക്കുന്നുണ്ട്. വലിയ ബജറ്റില് 110 ദിവസത്തോളം ചിത്രത്തിന്റെ ഷൂട്ട് നീണ്ടുനിന്നിരുന്നു. ചിത്രത്തിന്റെ വിതരണ സംബന്ധമായി മുന് നിര വിതരണ കമ്പനികളുമായി ചര്ച്ചയിലാണ് ചിത്രത്തിന്റെ നിര്മ്മാതാക്കള് ഇപ്പോള്.
ഒരു മാസ്സ്, ത്രില്ലർ, റിവഞ്ച് ജോണറിൽ എത്തുന്ന ചിത്രം ജോജുവിന്റെ തന്നെ പ്രൊഡക്ഷൻ കമ്പനി ആയ അപ്പു പാത്തു പപ്പു പ്രൊഡക്ഷന്സിന്റെയും, എ ഡി സ്റ്റുഡിയോസിന്റെയും, ശ്രീ ഗോകുലം മൂവീസിന്റെയും ബാനറിൽ എം റിയാസ് ആദം, സിജോ വടക്കൻ എന്നിവർ ചേർന്നാണ് നിർമ്മിച്ചിരിക്കുന്നത്. ഇന്ത്യന് സിനിമയിലെ തന്നെ മുന് നിര ടെക്നീഷ്യന്മാരാണ് ചിത്രത്തിന്റെ അണിയറയില് പ്രവര്ത്തിക്കുന്നത്. വിഷ്ണു വിജയ്, സാം സി എസ് എന്നിവരാണ് സംഗീതം. ക്യാമറ വേണു ISC, ജിന്റോ ജോർജ്. ശ്രീ ഗോകുലം മൂവിസിലൂടെ ഡ്രീം ബിഗ് ഫിലിംസ് ആണ് ചിത്രം വിതരണത്തിന് എത്തിക്കുന്നത്. PRO: ആതിര ദിൽജിത്ത്, മാർക്കറ്റിംഗ്: ഒബ്സ്ക്യൂറ എന്റർടൈൻമെന്റ്സ്
