ന്യൂയോർക്ക് : ലോക ഒന്നാം നമ്പർ ടെന്നിസ് താരം സെർബിയയുടെ നൊവാക് ജോക്കോവിച്ചിനെ യുഎസ് ഓപ്പണ്‍ ടെന്നിസില്‍ നിന്നും അയോഗ്യനാക്കി. പോയിന്റ് നഷ്ടപ്പെട്ട ദേഷ്യത്തില്‍ താരമടിച്ച പന്ത് ലൈന്‍ റഫറിയുടെ ദേഹത്ത് കൊണ്ടതിനെ തുടര്‍ന്നാണ് നടപടി. ഉടന്‍ തന്നെ ഖേദപ്രകടനം നടത്തിയെങ്കിലും മല്‍സര നിയമപ്രകാരം ജോക്കോവിച്ചിനെ അയോഗ്യനാക്കാന്‍ മാച്ച് റഫറി തീരുമാനിക്കുകയായിരുന്നു. സ്പെയിന്‍ താരം പാബ്ലോ കാരെനോയ്ക്കെതിരെ നടന്ന നാലാം റൗണ്ട് മല്‍സരത്തിനിടെയായിരുന്നു സംഭവം.
