സച്ചിയുടെ ആരോഗ്യ നിലയില്‍ നേരിയ പുരോഗതി.. ഭാര്യയോട് സംസാരിച്ചു

ശസ്ത്രക്രിയയ്ക്കിടെയുണ്ടായ ഹൃദയാഘാതത്തെ തുടര്‍ന്ന് തീവ്രപരിചരണ വിഭാഗത്തില്‍ ചികിത്സയില്‍ കഴിഞ്ഞിരുന്ന തിരക്കഥാകൃത്തും സംവിധായകനുമായ സച്ചിയുടെ ആരോഗ്യ നിലയില്‍ നേരിയ പുരോഗതി. സച്ചിയുടെ ഇടുപ്പുശസ്ത്രക്രിയ വിജയകരമായി നടത്തിയെന്നും ശസ്ത്രക്രിയക്കുശേഷം സച്ചി ഭാര്യയോട് സംസാരിച്ചുവെന്നും ആശുപത്രിയിലെ ഡോക്ടര്‍മാര്‍ അറിയിച്ചിട്ടുണ്ട്.

ഇടുപ്പെല്ലിന് തകറാറുമായി ആശുപത്രിയിലെത്തിയ സച്ചിക്ക് രണ്ടു ഘട്ടമായാണ് ശസ്ത്രക്രിയ നടത്തിയിരുന്നത്. മെയ് ഒന്നിന് അദ്ദേഹത്തിന്റെ ആദ്യ ശസ്ത്രക്രിയ കഴിഞ്ഞിരുന്നു. വിശ്രമത്തിന് ശേഷം മെയ് നാലിന് അദ്ദേഹം തിരിച്ചുപോയിയിരുന്നു. രണ്ടാംഘട്ട ശസ്ത്രക്രിയക്കായി ജൂണ്‍ പതിമൂന്നിന് ആശുപത്രിയില്‍ എത്തുകയായിരുന്നു. നടുവിന് ശസ്ത്രക്രിയ ചെയ്യുന്നതിന് അനസ്‌തേഷ്യ നല്‍കി മണിക്കൂറുകള്‍ക്കകം ഹൃദയാഘാതം സംഭവിച്ചിരുന്നു, എന്നാല്‍ ഇപ്പോള്‍ എല്ലാം സാധാരണ നിലയിലാണെന്നും സച്ചിയുടെ രണ്ടാമത്തെ ശസ്ത്രക്രിയ വിജയകരമായിരുന്നെന്നും ശസ്ത്രക്രിയക്കുശേഷം ബോധം തിരിച്ചുകിട്ടിയെന്നും മാതൃഭൂമി ഓണ്‍ലൈന്‍ റിപ്പോര്‍ട്ട് ചെയ്തിരിക്കുകയാണ്.

സച്ചി ഐ.സി.യുവില്‍ വെച്ച് ഭാര്യയോട് സംസാരിച്ചതായും റിപ്പോര്‍ട്ടുകളുണ്ട്. വടക്കാഞ്ചേരി ആശുപത്രിയിലായിരുന്നു ശസ്ത്രക്രിയ. ഹൃദയാഘാതത്തെ തുടര്‍ന്ന് സ്ഥിതി ഗൗരവമായതിനെ തുടര്‍ന്ന് തൃശ്ശൂര്‍ ജൂബിലി മിഷന്‍ മെഡിക്കല്‍ കോളേജിലേക്ക് മാറ്റിയിരുന്നു. പൃഥ്വിരാജ് നായകനായ ചോക്ലേറ്റ് ചിത്രത്തിന് തിരക്കഥയൊരുക്കി സിനിമാലോകത്ത് അരങ്ങേറിയ സച്ചി-സേതു കൂട്ടുകെട്ടില്‍ നിരവധി സിനിമകള്‍ പിറന്നിട്ടുണ്ട്. മോഹന്‍ലാല്‍ ചിത്രം റണ്‍ബേബി റണ്ണിലൂടെയാണ് സ്വതന്ത്ര തിരക്കഥാകൃത്തായ സച്ചി അനാര്‍ക്കലി, അയ്യപ്പനും കോശിയും സിനിമകള്‍ തിരക്കഥയൊരുക്കി സംവിധാനം ചെയ്തിട്ടുമുണ്ട്.

follow us: PATHRAM ONLINE LATEST NEWS

Similar Articles

Comments

Advertismentspot_img

Most Popular