ഷൊറണൂര്‍: കനത്ത മഴയെ തുടര്‍ന്ന് കോഴിക്കോട് വഴിയുള്ള റെയില്‍ പാതയിലെ തടസ്സങ്ങള്‍ പൂര്‍ണമായി നീക്കാന്‍ ഇതുവരെ കഴിഞ്ഞിട്ടില്ല. കൊങ്കണ്‍, മംഗളൂരു പാതകളിലെ സര്‍വീസ് പൂര്‍ണമായും താറുമാറായി ഇരിക്കുകയാണ്.. തിരുവനന്തപുരം-തൃശ്ശൂര്‍, തിരുവനന്തപുരം-എറണാകുളം ഭാഗത്തേക്കും തിരിച്ചുമുള്ള പ്രത്യേക പാസഞ്ചര്‍ തീവണ്ടി സര്‍വീസുകള്‍ വരുംദിവസങ്ങളിലും തുടരും.
തിരുവനന്തപുരം-കോര്‍ബ(22648) എക്സ്പ്രസും തിങ്കളാഴ്ച സര്‍വീസ് നടത്തും. ആലപ്പുഴ-ധന്‍ബാദ് എക്സ്പ്രസ് (13352) കോയമ്പത്തൂരില്‍നിന്നും എറണാകുളം-പട്‌ന എക്സ്പ്രസ് (22643) ഈറോഡ് നിന്നും തിങ്കളാഴ്ച സര്‍വീസ് ആരംഭിക്കും. കൊച്ചുവേളി-ലോക്മാന്യ തിലക് ഗരീബ് രഥ് (12202) തിങ്കളാഴ്ച രാവിലെ അഞ്ചിന് മംഗളൂരുവില്‍നിന്ന് യാത്ര തുടങ്ങും.
തിങ്കളാഴ്ച റദ്ദാക്കിയ തീവണ്ടികള്‍
എറണാകുളം-പുണെ പൂര്‍ണ എക്സ്പ്രസ്(11098)
കൊച്ചുവേളി-ഹൈദരാബാദ് സ്പെഷല്‍ ട്രെയിന്‍ (7116)
ഓഖ-എറണാകുളം എക്സ്പ്രസ് (16337)
ബറൂണി-എറണാകുളം രപ്തിസാഗര്‍ എക്സ്പ്രസ് (12521)
ഇന്‍ഡോര്‍-തിരുവനന്തപുരം അഹില്യാനഗരി എക്സ്പ്രസ് (22645)
ധന്‍ബാദ്- ആലപ്പുഴ എക്സ്പ്രസ് (13351)
തൃശ്ശൂര്‍-കണ്ണൂര്‍ പാസഞ്ചര്‍ (56603)
കോഴിക്കോട്- തൃശ്ശൂര്‍ പാസഞ്ചര്‍ (56664)
തൃശ്ശൂര്‍- കോഴിക്കോട് പാസഞ്ചര്‍ (56663)
കണ്ണൂര്‍-ആലപ്പുഴ എക്സ്പ്രസ് (16308)
മംഗലാപുരം-നാഗര്‍കോവില്‍ പരശുറാം (16649)
എറണാകുളം-കണ്ണൂര്‍ ഇന്റര്‍സിറ്റി (16305)
ചൊവ്വാഴ്ച സര്‍വീസ് നടത്തേണ്ട തിരുനെല്‍വേലി-ജാംനഗര്‍ എക്സ്പ്രസ്(19577), എറണാകുളം-നിസാമുദ്ദീന്‍ തുരന്തോ എക്സ്പ്രസ്(12283), എറണാകുളം-പുണെ എക്സ്പ്രസ് (22149), ബുധനാഴ്ച സര്‍വീസ് നടത്തേണ്ട കൊച്ചുവേളി-അമൃത്സര്‍ എക്സ്പ്രസ്(12483) എന്നിവയും റദ്ദാക്കിയിട്ടുണ്ട്.
തിങ്കളാഴ്ച ഭാഗികമായി റദ്ദാക്കിയ/ വഴിതിരിച്ചുവിട്ട തീവണ്ടികള്‍
പുലര്‍ച്ചെ രണ്ടുമണിക്ക് പുറപ്പെടേണ്ട ഏറനാട് എക്സ്പ്രസ് നാഗര്‍കോവിലില്‍നിന്ന് തിങ്കളാഴ്ച രാവിലെ ആറുമണിക്കാണ് പുറപ്പെടുക. ഇത് ഷൊര്‍ണൂരില്‍ സര്‍വീസ് അവസാനിപ്പിക്കും.
കണ്ണൂര്‍-തിരുവനന്തപുരം ജനശതാബ്ദി എക്സ്പ്രസ് തിങ്കളാഴ്ച ഷൊര്‍ണൂര്‍-തിരുവനന്തപുരം റൂട്ടില്‍ മാത്രമേ സര്‍വീസ് നടത്തൂ. തിരുവനന്തപുരം-കോഴിക്കോട് ജനശതാബ്ദി ഷൊര്‍ണൂര്‍ കോഴിക്കോട് റൂട്ടില്‍ ഓടില്ല.
മംഗലാപുരം-നാഗര്‍കോവില്‍ എക്സ്പ്രസ് (16605) കോഴിക്കോട്-നാഗര്‍കോവില്‍ റൂട്ടില്‍ റദ്ദാക്കി.
എറാണാകുളം-നിസാമുദ്ദീന്‍ മംഗള എക്സ്പ്രസ് (12617) പാലക്കാട്- ഈറോഡ്-വിജയവാഡ വഴി സര്‍വീസ് നടത്തും.
കൊച്ചുവേളി-ചണ്ഡീഗഡ് സമ്പര്‍ക്ക ക്രാന്തി (12217) പാലക്കാട്-സോലാപുര്‍-പൂനെ-പനവേല്‍ വഴി തിരിച്ചുവിടും.
തിരുവനന്തപുരം-വരാവല്‍ എക്സ്പ്രസ് മംഗലാപുരത്തുനിന്ന് സര്‍വീസ് ആരംഭിക്കും.
തിരുവനന്തപുരം-ലോകമാന്യതിലക് നേത്രാവതി മംഗലാപുരത്തുനിന്ന് പുറപ്പെടും.
നാഗര്‍കോവില്‍-മംഗലാപുരം പരശുറാം ഷൊര്‍ണൂരില്‍ ഓട്ടം അവസാനിപ്പിക്കും.
തിരുനെല്‍വേലി-ജാംനഗര്‍ ദ്വൈവാര ട്രെയിന്‍ (19577) മംഗലാപുരത്തുനിന്ന് സര്‍വീസ് ആംരഭിക്കും.
