കഷ്ടപ്പെട്ട് സമ്ബാദിക്കുന്ന പണം ഇനിമുതല്‍ സുരക്ഷിതമായി നിക്ഷേപിക്കാം: കെ.എസ്.എഫ്.ഇ പ്രവാസി ചിട്ടി മുഖ്യമന്ത്രി ഉദ്ഘാടനം ചെയ്‌തു

ലണ്ടന്‍ : കെ.എസ്.എഫ്.ഇ പ്രവാസി ചിട്ടിയുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. ഫിന്‍സ്‌ബെറി സ്‌കൊയറിലെ മോണ്ട് കാം റോയല്‍ ലണ്ടന്‍ ഹോട്ടലില്‍ വച്ചായിരുന്നു ഉദ്ഘാടനം. കേരളാ സ്റ്റേറ്റ് ഫിനാന്‍ഷ്യല്‍ എന്റര്‍പ്രൈസസിന്റെ നേതൃത്വത്തില്‍ ആരംഭിക്കുന്ന കെ.എസ്.എഫ്.ഇ ചിട്ടിയുടെ സേവനം പൂര്‍ണ്ണമായും ഓണ്‍ലൈനായിട്ടാണ് ലഭ്യമാവുകയെന്ന് മുഖ്യമന്ത്രി പറഞ്ഞു.

‘പ്രവാസി ചിട്ടി വഴി സാമൂഹ്യ നീതിയില്‍ അധിഷ്ടിതമായ സര്‍വതല സ്പര്‍ശിയായ വികസനം നടപ്പിലാക്കാനാണ് കേരളം പദ്ധതിയിട്ടിരിക്കുന്നത്. മാലിന്യമില്ലാത്ത നദി, വിഷമില്ലാത്ത പച്ചക്കറികള്‍ ഇതൊക്കെയാണ് നമ്മുടെ ലക്ഷ്യം. നെതര്‍ലാന്റില്‍ തന്നെ വളരെ മാലിന്യങ്ങള്‍ നിറഞ്ഞ വെള്ളമായിരുന്നു മുന്‍പ് നദികളില്‍ ഉണ്ടായിരുന്നത്. അതെല്ലാം മാറി, ഇപ്പോള്‍ രാജ്ഞി തന്നെ അവിടത്തെ നദിയില്‍ കുളിച്ചു, ശുദ്ധമായ വെള്ളമാണുള്ളതെന്ന് കാട്ടിക്കൊടുക്കുന്നു. നമുക്കും ഇത് നേടാനാകും. അതിനുള്ള തുക കണ്ടെത്താനും മാര്‍ഗങ്ങള്‍ കണ്ടു വച്ചിട്ടുണ്ട്. നദി സംരക്ഷണം നാട്ടില്‍ പലയിടത്തും ജനങ്ങള്‍ ഏറ്റെടുത്തു തുടങ്ങിയിട്ടുണ്ട്.

പച്ചക്കറികള്‍ വിഷമയമല്ലാതാക്കാന്‍ ഒരു വലിയ പദ്ധതി ഗവ തുടങ്ങി വച്ചു അത് പൂര്‍ത്തിയാകുന്നതിനു മുന്‍പാണ് പ്രളയം എല്ലാം നശിപ്പിച്ചത്. അതുകൊണ്ട് നമ്മള്‍ കുറച്ചൊന്നു പിറകിലേക്ക് പോയി. എങ്കിലും നമ്മള്‍ ലക്ഷ്യ സ്ഥാനത്തേക്കടുക്കുകയാണ്’- മുഖ്യമന്ത്രി പറഞ്ഞു. ആദ്യം മലയാളത്തിലും പിന്നെ ഇംഗ്ലീഷിലുമായിരുന്നു മുഖ്യമന്ത്രിയുടെ പ്രസംഗം. ചടങ്ങില്‍ ധനകാര്യ മന്ത്രി തോമസ് ഐസക്, കെ.എസ്.എഫ്.ഇ എം.ടി പുരുഷോത്തമന്‍, കിഫ്ബി സി.ഇ.ഒ ഡോ എബ്രഹാം, കെ.എസ്.എഫ്.ഇ ചെയര്‍മാന്‍ അഡ്വ ഫിലിപോസ് തോമസ് എന്നിവര്‍ സംസാരിച്ചു.

Similar Articles

Comments

Advertisment

Most Popular

നിരീക്ഷണത്തില്‍ കഴിയുന്നവരോട് അടുത്തിടപഴകിയശേഷം വീട്ടുകാര്‍ മറ്റുവീടുകള്‍ സന്ദര്‍ശിക്കുന്നു

കൊവിഡ് 19 രോഗ വ്യാപനം തടയുന്നതിനായി വീടുകളില്‍ നിരീക്ഷണം നിര്‍ദേശിച്ചവര്‍ നിയന്ത്രണങ്ങള്‍ ലംഘിക്കുന്നുണ്ടോ എന്ന് കണ്ടെത്താന്‍ പൊലീസ് മിന്നല്‍ പരിശോധന നടത്തുമെന്ന് സംസ്ഥാന പൊലീസ് മേധാവി ലോക്‌നാഥ് ബെഹ്‌റ അറിയിച്ചു. ഇതിനായി ബൈക്ക്...

വാറങ്കലില്‍ കൂട്ടക്കൊലയില്‍ നിര്‍ണായക വഴിത്തിരിവ്; ഒരു കൊല മറയ്ക്കാന്‍ കൊന്നുതള്ളിയത് ഒന്‍പത് പേരെ

വാറങ്കല്‍ തെലങ്കാനയിലെ വാറങ്കലില്‍ ഒരു കുടുംബത്തിലെ ആറു പേരടക്കം ഒമ്പത് പേരെ കൊന്നു കിണറ്റില്‍ തള്ളിയ സംഭവത്തില്‍ നിര്‍ണായക വഴിത്തിരിവ്. ഒരു കൊലപാതകം മറയ്ക്കാനാണ് മുഖ്യപ്രതി സഞ്ജയ് കുമാര്‍ യാദവ് ഒമ്പതു പേരെ...

മദ്യവില്‍പന ; ബുധനാഴ്ച രാവിലെ ബെവ്‌കോ ഔട്ട്‌ലെറ്റുകളില്‍ എത്താന്‍ ഉപഭോക്താക്കള്‍ക്ക് എസ്എംഎസ്

കോട്ടയം : മദ്യവില്‍പന ബുധനാഴ്ച കഴിഞ്ഞ് ആരംഭിക്കാനിരിക്കെ ബുധനാഴ്ച രാവിലെ ബെവ്‌കോ ഔട്ട്‌ലെറ്റുകളില്‍ എത്താന്‍ ഉപഭോക്താക്കള്‍ക്ക് എസ്എംഎസ് വഴി നിര്‍ദേശം. എസ്എംഎസ് വഴി മദ്യം വാങ്ങാന്‍ ബുക്ക് ചെയ്തവര്‍ക്കാണ് എത്തേണ്ട ഔട്ട്‌ലെറ്റിന്റെ വിശദാംശങ്ങള്‍...