ഇന്ത്യന്‍ ടീമിന്റെ പട്ടാളത്തൊപ്പി: പാക്കിസ്ഥാന് തിരിച്ചടിയായി ഐസിസിയുടെ മറുപടി

ഓസിസിനെതിരായ മൂന്നാം ഏകദിനത്തില്‍ പട്ടാളത്തൊപ്പി അണിഞ്ഞറങ്ങിയ ഇന്ത്യന്‍ ടീമിനെതിരെ നടപടി വേണമെന്ന പാക് ക്രിക്കറ്റ് ബോര്‍ഡിന്റെ ആവശ്യത്തിനോട് പ്രതികരിച്ച് ഐസിസി. പുല്‍വാമയില്‍ വീരമൃത്യു വരിച്ച സൈനികരുടെ ഓര്‍മ്മയ്ക്കായും ഫണ്ട് ശേഖരണത്തിനായും മത്സരത്തില്‍ പട്ടാളത്തൊപ്പി ധരിക്കാന്‍ ബി സി സി അനുമതി വാങ്ങിയിരുന്നതായി ഐ സി സി സ്ട്രാറ്റജിക് കമ്മ്യൂണിക്കേഷന്‍സ് ജനറല്‍ മാനേജര്‍ വ്യക്തമാക്കിയെന്നാണ് റിപ്പോര്‍ട്ടുകള്‍.

ബി സി സി ഐയുടെ നടപടി അംഗീകരിക്കാനാവില്ലെന്ന് പാക്കിസ്ഥാന്‍ ക്രിക്കറ്റ് ബോര്‍ഡ് ചെയര്‍മാന്‍ എഹ്‌സാന്‍ മാനി വ്യക്തമാക്കിയിരുന്നു. ക്രിക്കറ്റിനെ ഇന്ത്യ രാഷ്ട്രീയവല്‍ക്കരിച്ചു എന്ന് ചൂണ്ടിക്കാട്ടി പാക്കിസ്ഥാന്‍ ക്രിക്കറ്റ് ബോര്‍ഡ് പിന്നാലെ ഐ സി സിക്ക് കത്തെഴുതി. ഐസിസിയില്‍ നിന്ന് മറ്റെന്തോ ആവശ്യത്തിന് വാങ്ങിയ അനുമതി ബിസിസിഐ ദുരുപയോഗം ചെയ്തു എന്നായിരുന്നു പാക്കിസ്ഥാന്റെ വാദം.

പുല്‍വാമയില്‍ നടന്ന ഭീകരാക്രമണത്തില്‍ വിടപറഞ്ഞ 40 സി ആര്‍ പി എഫ് ജവാന്‍മാരുടെ ഓര്‍മ്മയ്ക്കായാണ് ജാര്‍ഖണ്ഡ് ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ ഓസ്‌ട്രേലിയക്കെതിരെ ഇന്ത്യന്‍ താരങ്ങള്‍ പട്ടാളത്തൊപ്പിയണിഞ്ഞ് കളിക്കാനിറങ്ങിയത്. മത്സരത്തില്‍ നിന്നുള്ള മാച്ച് ഫീ നാഷണല്‍ ഡിഫന്‍സ് ഫണ്ടിലേക്ക് കൈമാറാനുമായിരുന്നു ഇന്ത്യന്‍ താരങ്ങളുടെ തീരുമാനം. എന്നാല്‍ പിന്നാലെ പാക്കിസ്ഥാന്‍ വിവാദവുമായി രംഗത്തെത്തി.

സൈനിക തൊപ്പി ധരിച്ച് കളിക്കാനിറങ്ങിയ ഇന്ത്യന്‍ ക്രിക്കറ്റ് ടീമിനെതിരെ പാക് മന്ത്രി നടപടി ആവശ്യപ്പെട്ടിരുന്നു. ഇന്ത്യന്‍ താരങ്ങള്‍ക്കെതിരെ നടപടി ക്രിക്കറ്റിനെ രാഷ്ട്രീയവല്‍ക്കരിക്കുന്നതാണെന്നും പാക് വാര്‍ത്താവിതരണ മന്ത്രി ഫവദ് ചൗധരി പറഞ്ഞിരുന്നു. ഇതിന് പിന്നാലെയാണ് പി സി ബി ഔദ്യോഗികമായി ഐസിസിക്ക് പരാതി നല്‍കിയത്. ഇതിന്‍മേലാണ് ഐ സി സി ഇപ്പോള്‍ നിലപാട് വ്യക്തമാക്കിയത്.

BTM AD

Similar Articles

Comments

Advertisment

Most Popular

നേപ്പാളില്‍ ഇന്ത്യന്‍ വാര്‍ത്താ ചാനലുകള്‍ നിരോധിച്ചു

കാഠ്മണ്ഡു: അതിര്‍ത്തി വിഷയങ്ങളിലടക്കം ഇന്ത്യയും നേപ്പാളും തമ്മിലുള്ള ബന്ധം വഷളായതിന് പിന്നാലെ ഇന്ത്യന്‍ വാര്‍ത്താ ചാനലുകള്‍ക്ക് അപ്രതീക്ഷിത നിരോധനം ഏര്‍പ്പെടുത്തി നേപ്പാളിലെ ടെലിവിഷന്‍ ഓപ്പറേറ്റര്‍മാര്‍. ഇന്ത്യന്‍ വാര്‍ത്താ ചാനലുകള്‍ നേപ്പാള്‍ വിരുദ്ധ വാര്‍ത്തകള്‍...

മഹാരാഷ്ട്രയില്‍ ഇന്ന് മാത്രം ഏഴായിരത്തോളം കോവിഡ് രോഗികള്‍; തമിഴ്‌നാട്ടില്‍ 4067 പേര്‍ക്ക്

മഹാരാഷ്ട്രയില്‍ ഇന്ന് 6,875 പേര്‍ക്ക് കോവിഡ് സ്ഥിരീകരിച്ചു. ഇതോടെ സംസ്ഥാനത്ത് ഇതുവരെ വൈറസ് ബാധ സ്ഥിരീകരിച്ചവരുടെ എണ്ണം 2,30,599 ആയി. 219 പേര്‍കൂടി ഇന്ന് മരിച്ചതോടെ ആകെ മരണം 9,667 ആയി. 4,067...

കോവിഡിന് ഉപയോഗിക്കുന്ന റെംഡെസിവിര്‍ മരുന്ന് ഇന്ത്യയില്‍ ഉത്പാദനം തുടങ്ങി

ബെംഗളൂരു: കോവിഡിന് രാജ്യാന്തര തലത്തില്‍ ഉപയോഗിക്കുന്ന റെംഡെസിവിര്‍ മരുന്ന് ഇന്ത്യയില്‍ ഇനി 4,000 രൂപയ്ക്കു ലഭിക്കും. ഇന്ത്യന്‍ മരുന്നു നിര്‍മാതാക്കളായ സിപ്ല ലിമിറ്റഡ് ആണ് സിപ്രെമി എന്ന പേരില്‍ രാജ്യത്ത് മരുന്ന് ഉത്പാദിപ്പിക്കുന്നത്....