‘താന്‍ നട്ട വൃക്ഷതൈ ഒരു വന്‍വൃക്ഷമാകുന്നത് നോക്കിക്കാണുന്ന കര്‍ഷകന്റെ മാനസികാവസ്ഥായിലാണ് ഞങ്ങള്‍ ..!”. അനുശ്രീ കേന്ദ്ര കഥാപാത്രത്തെ അവതരിപ്പിക്കുന്ന ‘ഓട്ടര്‍ഷ’ യുടെ ഫസ്റ്റ് ലുക്ക് പോസ്റ്റര്‍ ഷെയര്‍ ചെയ്ത് സംവിധായകന്‍ ലാല്‍ ജോസ് ഫെയ്‌സ്ബുക്കില്‍ കുറിച്ചതിങ്ങനെ.
താന്‍ നട്ട വൃക്ഷതൈ ഒരു വന്‍വൃക്ഷമാകുന്നത് നോക്കിക്കാണുന്ന കര്‍ഷകന്റെ മാനസികാവസ്ഥായിലാണ് ഞങ്ങള്‍ ..!
അനുശ്രീ നായികയും നായകനും ഒക്കെയാകുന്ന ‘ഓട്ടര്‍ഷ’ എന്ന കൊച്ചു ചിത്രമാണ് ഞങ്ങള്‍ അടുത്തതായി റിലീസ് ചെയ്യുന്നത് ..
ഈ നല്ല ചിത്രം നിങ്ങള്‍ക്കിഷ്ട്ടപെടുമെന്ന വിശ്വാസത്തോടെ,
എല്‍ ജെ ഫിലിംസ്
സുജിത് വാസുദേവ് സംവിധാനം ചെയ്യുന്ന ചിത്രം ലാല്‍ ജോസിന്റെ എല്‍.ജെ ഫിലിംസാണ് തിയറ്ററുകളിലെത്തിക്കുക
ഓട്ടോറിക്ഷയിലെ യാത്രക്കാരായ സാധാരണക്കാരുടെ കഥയാണ് സിനിമ. സാധാരണക്കാരനായ ഒരാളുടെ നിത്യജീവിതത്തില്‍ ഉണ്ടാകുന്ന തമാശകളും സംഭവങ്ങളുമൊക്കെയാണ് സിനിമയില്‍ ഉണ്ടാവുക.
‘ജെയിംസ് ആന്റ് ആലീസി’ന് ശേഷം ഛായാഗ്രാഹകന്‍ കൂടിയായ സുജിത് വാസുദേവ് സംവിധാനം ചെയ്യുന്ന ‘ഓട്ടര്‍ഷ’യില്‍ ഓട്ടോറിക്ഷ ഡ്രൈവറായ അനിത എന്ന കേന്ദ്ര കഥാപാത്രമാണ് അനുശ്രീയ്ക്ക്. അനുശ്രീയ്‌ക്കൊപ്പം നിരവധി പുതുമുഖങ്ങളും ചിത്രത്തില്‍ അഭിനേതാക്കളാകുന്നു. മറിമായം ഫെയിം ജയരാജ് മിത്രയാണ് സിനിമയ്ക്ക് തിരക്കഥ ഒരുക്കിയിരിക്കുന്നത്.
