കൊച്ചി:നാദിര്‍ഷ സംവിധാനം ചെയ്യുന്ന അടുത്ത മലയാള ചിത്രത്തില്‍ ദിലീപ് നായകനാവില്ല. എന്നാല്‍ ചിത്രം നിര്‍മ്മിക്കുന്നത് ദിലീപാണെന്ന് നാദിര്‍ഷ പറഞ്ഞു. ബിജു മേനോനാണ് ചിത്രത്തിലെ നായകന്‍. തന്റെ ഏറ്റവും പുതിയ ചിത്രമായ ‘കേശു ഈ വീടിന്റെ നാഥനി’ല്‍ നിന്ന് ദിലീപ് ഒഴിഞ്ഞെന്ന വാര്‍ത്തകളോട് പ്രതികരിക്കുകയായിരുന്നു അദ്ദേഹം.
ദിലീപിനെ നായകനാക്കി ‘കേശു ഈ വീടിന്റെ നാഥന്‍’ എന്നൊരു സിനിമ നാദിര്‍ഷ നേരത്തേ പ്ലാന്‍ ചെയ്തിരുന്നു. ആ സിനിമയില്‍ 90 വയസുകാരന്റെ വേഷത്തിലാണ് ദിലീപ് അഭിനയിക്കാനിരുന്നത്. കമ്മാരസംഭവത്തില്‍ ദിലീപ് ഇതേ ഗെറ്റപ്പില്‍ വന്നിരുന്നു. അടുത്തടുത്ത് രണ്ടു സിനിമകളില്‍ സാമ്യമുള്ള കഥാപാത്രങ്ങള്‍ വരാതിരിക്കാനാണ് ഈ വേഷത്തില്‍ നിന്ന് ദിലീപ് പിന്മാറിയത്. ഞങ്ങള്‍ രണ്ടുപേരും ഒരുമിച്ചെടുത്ത തീരുമാനമണിത് – നാദിര്‍ഷ പറഞ്ഞു.
