ഇന്ത്യക്ക് ചരിത്രനേട്ടം,ഏഷ്യന്‍ ഗെയിംസ് വനിതാ സിംഗിള്‍സില്‍ പി വി സിന്ധു ഫൈനലില്‍

ജക്കാര്‍ത്ത: ഏഷ്യന്‍ ഗെയിംസ് ബാഡ്മിന്റണ്‍ വനിതാ സിംഗിള്‍സില്‍ ഇന്ത്യക്ക് ചരിത്രനേട്ടം. ലോക രണ്ടാം നമ്പര്‍ താരം ജപ്പാന്റെ അകാനെ യമാഗുച്ചിയെ തോല്‍പ്പിച്ചാണ് പി.വി. സിന്ധു ഫൈനലില്‍ പ്രവേശിച്ചിരിക്കുന്നത്. ഏഷ്യന്‍ ഗെയിംസിന്റെ ചരിത്രത്തില്‍ ആദ്യമായാണ് ഒരു ഇന്ത്യന്‍ താരം ബാഡ്മിന്റണ്‍ വനിതാ സിംഗിള്‍സില്‍ ഫൈനലിലെത്തുന്നത്.

ഒന്നിനെതിരെ രണ്ടു സെറ്റുകള്‍ക്ക് വീഴ്ത്തിയാണ് സൈന്ധവിന്റെ ചരിത്ര നേട്ടം. സ്‌കോര്‍: 21-17, 15-21, 21-10. ലോക ഒന്നാം നമ്പര്‍ താരം ചൈനീസ് തായ്പേയിയുടെ തായ് സൂ യിങ്ങാണ് സിന്ധുവിന്റെ എതിരാളി. ഇന്ത്യയുടെ തന്നെ താരമായ സൈന നെഹ്വാളിനെ തോല്‍പ്പിച്ചാണ് തായ് സൂ ഫൈനലിലെത്തിയിരിക്കുന്നത്. സൈനയ്ക്ക് വെങ്കലമാണ് ലഭിച്ചിരിക്കുന്നത്.

Similar Articles

Comments

Advertismentspot_img

Most Popular