കൊച്ചി:പണിമുടക്ക് കൊച്ചിനഗരത്തില്‍ ആഘോഷമാക്കി യുവനടന്‍ ഉണ്ണി മുകുന്ദന്‍. ഇന്നലെ രാജ്യ വ്യാപകമായ പൊതു പണിമുടക്ക് നടന്നപ്പോള്‍ യുവതാരം ഉണ്ണി മുകുന്ദന്‍ ചെലവഴിച്ചത് കൊച്ചി നഗരത്തിലാണ്. നഗരത്തില്‍ ഒന്ന് സുന്ദരമായി നടന്നതിന്റെ സന്തോഷത്തിലാണ് ഉണ്ണി. കൂടാതെ നഗരത്തില്‍ ആദ്യമായി മെട്രോ യാത്രയും ഉണ്ണി കഴിഞ്ഞദിവസം നടത്തി. കൂടാതെ ഒരു ഓട്ടോറിക്ഷാ യാത്രയും. ‘അതെ ആ വഴികളില്‍ ഒരു ‘മൊട്ടപ്പയ്യന്‍’ ഉണ്ടായിരുന്നു’. ഉണ്ണി ഫേസ്ബുക്കില്‍ കുറിച്ചു.
തന്റെ ആദ്യ മെട്രോ യാത്രയുടെ ചിത്രവും താരം സോഷ്യല്‍ മീഡിയയില്‍ പങ്കുവെച്ചിട്ടുണ്ട്. തല മൊട്ടയടിച്ച് പുതിയ ലുക്കിലാണ് താരം നഗരത്തിലെത്തിയത്. എന്നാല്‍ ഇത് ഏതെങ്കിലും ചിത്രത്തിനുള്ള മുന്നൊരുക്കമാണോ എന്ന് കാര്യം വ്യക്തമല്ല. തന്റെ പുതിയ ഫിറ്റ്നസ് ലക്ഷ്യങ്ങളും ഉണ്ണി മുകുന്ദന്‍ ആരാധകരുമായി പങ്കുവെച്ചിട്ടുണ്ട്. ഇതിന്റെ ഭാഗമായി ദിവസവും രാവിലെ താരം നടക്കാനിറങ്ങുകയാണ്. കഴിഞ്ഞ രണ്ടു ദിവസങ്ങളില്‍ തന്റെ പ്രഭാതനടത്തത്തിനിടെ ഫേസ്ബുക്ക് ലൈവ് ചെയ്തിരുന്നു. ഫിറ്റ്‌നെസ് ലക്ഷ്യത്തില്‍ തനിക്കൊപ്പം പങ്കു ചേരാന്‍ ആരാധകരെയും ഉണ്ണി ക്ഷണിക്കുന്നുണ്ട്.
