ബാഹുബലിയേയും പിന്നിലാക്കി മാണിക്യ മലരായ പൂവി!!!

സോഷ്യല്‍ മീഡിയകളിലൂടെ തരംഗമായ അഡാര്‍ ലവിന് പുതിയ റെക്കോര്‍ഡ്. അവതരണമികവിലും, കളക്ഷനിലും റെക്കോര്‍ഡുകള്‍ സൃഷ്ടിച്ച ബാഹുബലിയെ പിന്നിലാക്കിയതാണ് അഡാര്‍ ലവ്വിന്റെ ഏറ്റവും പുതിയ നേട്ടം.

ബാഹുബലിയിലെ സഹോരെ എന്ന ഗാനമായിരുന്നു ഏറ്റവവും വേഗത്തില്‍ 5 കോടി കാഴ്ച്ചക്കാരെ നേടി റെക്കോര്‍ഡിത്. എന്നാല്‍ ബാഹുബലിയിലെ ഗാനത്തെ പിന്തള്ളി മാണിക്യ മലരായ പൂവി ആ റെക്കോര്‍ഡ് സ്വന്തം പേരിലാക്കിക്കഴിഞ്ഞു. വിനീത് ശ്രീനിവാസനാണ് അഡാര്‍ ലവ്വില്‍ ഈ ഗാനം ആലപിച്ചിട്ടുള്ളത്.

ഗാനം പുറത്ത് വന്നയുടന്‍ തന്നെ പ്രിയ വാര്യരുടെ കണ്ണിറുക്കലും ചിരിയും തരംഗമായി മാറി. അതിര്‍ത്തിക്കപ്പുറവും ഭാഷാഭേദവുമില്ലാത്ത പ്രശസ്തിയാണ് പ്രിയ വാര്യര്‍ക്ക് ഗാനരംഗം സമ്മാനിച്ചത്. കൂടാതെ സമൂഹമാധ്യമങ്ങളില്‍ ലക്ഷക്കണക്കിന് ആരാധകരെ സൃഷ്ടിച്ചും പ്രിയ വാര്‍ത്തകളില്‍ നിറഞ്ഞു.

Similar Articles

Comments

Advertismentspot_img

Most Popular