ചാവക്കാട് പത്തുവയസുകാരിയുടെ മുഖത്ത് ചൂടുവെള്ളമൊഴിച്ച് പൊള്ളിച്ച ദമ്പതികള്‍ അറസ്റ്റില്‍

ചാവക്കാട്: പത്തുവയസുകാരിയുടെ മുഖത്ത്് ചൂടുവെള്ളമൊഴിച്ച് പൊള്ളിച്ച സംഭവത്തില്‍ ദമ്പതികള്‍ പിടിയില്‍. തിരുവത്ര ക്വാര്‍ട്ടേഴ്‌സിലെ താമസക്കാരായ ഹാജ്യാരകത്ത് റഫീഖ്(37), ഭാര്യ റെയ്ഹാനത്ത് (31) എന്നിവരെയാണ് ചാവക്കാട് പൊലീസ് അറസ്റ്റ് ചെയ്തത്.

കഴിഞ്ഞ ഞായറാഴ്ച വൈകീട്ട് മൂന്നോടെയാണ് സംഭവം. ഇവരുടെ അതേ ക്വാര്‍ട്ടേഴ്‌സില്‍ തന്നെ താമസിക്കുന്നയാളുടെ മകളെ ഇവര്‍ ചൂടുവെള്ളമൊഴിച്ചു പൊള്ളിക്കുകയായിരിന്നു. പൊള്ളലേറ്റ കുട്ടിയും മറ്റു രണ്ടു കുട്ടികളും ചേര്‍ന്നു റഫീഖും കുടുംബവും താമസിക്കുന്ന മുറിയുടെ വാതില്‍ക്കല്‍ ഇരുന്നു കളിക്കുകയായിരുന്നു. കുട്ടികള്‍ തങ്ങളുടെ മുറിയുടെ വാതിലിനു പുറത്തിരുന്ന് കളിക്കുന്നത് കണ്ട് ക്ഷുഭിതരായ ഇവര്‍ കുട്ടികളുടെ ദേഹത്തേക്കു ചൂടുവെള്ളം ഒഴിച്ചെന്നാണു കേസ്.

പൊള്ളലേറ്റ കുട്ടി ചികിത്സയിലാണ്. മറ്റു രണ്ടു കുട്ടികള്‍ ഓടിമാറിയതിനാല്‍ ചൂടുവെള്ളം ദേഹത്തു വീഴാതെ രക്ഷപ്പെട്ടു.

Similar Articles

Comments

Advertismentspot_img

Most Popular