ഇന്ത്യന്‍ ടീമിനെ രോഹിത് ശര്‍മ്മ നയിക്കും; കോഹ്ലി ഉള്‍പ്പെടെ അഞ്ച് താരങ്ങള്‍ പുറത്തേക്ക്

ന്യൂഡല്‍ഹി: മാര്‍ച്ച് ആറിന് നടക്കാനിരിക്കുന്ന നിദാഹാസ് ട്രോഫി ത്രിരാഷ്ട്ര ട്വന്റി-20 ടൂര്‍ണമെന്റില്‍ ഇന്ത്യന്‍ ടീമിനെ രോഹിത് ശര്‍മ്മ നയിക്കുമെന്ന് വാര്‍ത്തകള്‍. നിലവിലെ ക്യാപ്റ്റന്‍ വിരാട് കൊഹ്ലിക്ക് ടൂര്‍ണമെന്റില്‍ വിശ്രമം അനുവദിക്കാന്‍ സാധ്യതയുള്ളതിനാലാണ് നായക സ്ഥാനത്തേക്ക് രോഹിതിനെ പരിഗണിക്കുന്നതെന്നാണ് വിവരം.

ദക്ഷിണാഫ്രിക്കന്‍ പര്യടനത്തിന് ശേഷം കൊഹ്ലി വിശ്രമം അവശ്യപ്പെട്ടിട്ടുണ്ടെന്നും ഇത് ബിസിസിഐ അംഗീകരിച്ചുവെന്നുമാണ് സൂചന. ഈ സാഹചര്യമാണ് രോഹിത്തിന്റെ ക്യാപ്റ്റന്‍സിയിലേക്ക് വഴിതെളിയുന്നത്. ഇത് രണ്ടാം തവണയാണ് ഹിറ്റ്മാന്‍ ഇന്ത്യന്‍ ടീമിന്റെ നായകനാകുന്നത്. കഴിഞ്ഞ വര്‍ഷം നാട്ടില്‍ ശ്രീലങ്കക്കെതിരെ നടന്ന പരമ്പരയില്‍ രോഹിത്താണ് ടീമിനെ നയിച്ചത്. അന്നും കൊഹ്ലി വിശ്രമത്തിലായിരുന്നു.

കൊഹ്ലിയെ കൂടാതെ നാല് ഇന്ത്യന്‍ താരങ്ങള്‍ക്കും മത്സരത്തില്‍ വിശ്രമം അനുവദിച്ചേക്കും. എംഎസ് ധോണി, ഭുവനേശ്വര്‍ കുമാര്‍, ജസ്പ്രിത് ഭുംറ, ഹാര്‍ദ്ദിക്ക് പാണ്ഡ്യ എന്നിവര്‍ക്കായിരിക്കും വിശ്രമം അനുവദിക്കുക. ടൈംസ് ഓഫ് ഇന്ത്യയാണ് ഇക്കാര്യം റിപ്പോര്‍ട്ട് ചെയ്യുന്നത്.

ശ്രീലങ്കയിലാണ് നിദാഹാസ് ട്രോഫി ആരംഭിക്കുന്നത്. ആദ്യ മത്സരത്തില്‍ ഇന്ത്യയും ശ്രീലങ്കയും തമ്മിലാണ് ഏറ്റുമുട്ടുന്നത്. ടൂര്‍ണ്ണമെന്റില്‍ മൂന്നു ടീമുകളും തമ്മില്‍ പരസ്പരം രണ്ടു വീതം മത്സരങ്ങളില്‍ ഏറ്റുമുട്ടും. പോയന്റ് നിലയില്‍ മുന്നില്‍ വരുന്ന രണ്ട് ടീമുകളും തമ്മില്‍ 18ന് ഫൈനലും നടക്കും.

BTM AD

Similar Articles

Comments

Advertisment

Most Popular

ഇന്ത്യയിൽ നിന്ന് യു.എ.ഇയിലേക്കുള്ള എയർ ഇന്ത്യ എക്സ്പ്രസ് സർവീസുകൾ ആരംഭിച്ചു

ദുബായ്: ഇന്ത്യയിൽ നിന്ന് യു.എ.ഇയിലേക്കുള്ള എയർ ഇന്ത്യ എക്സ്പ്രസ് സർവീസുകൾ ആരംഭിച്ചു. ജൂലൈ 12 മുതൽ 26 വരെയുള്ള ദിവസങ്ങളിലേക്കുള്ള വിമാനങ്ങൾക്കുള്ള ടിക്കറ്റ് ബുക്കിംഗ് ആണ് ആരംഭിച്ചത്. എയർ ഇന്ത്യ എക്സ്പ്രസ് അതിന്റെ...

പത്തനംതിട്ട ജില്ലയില്‍ ഇന്ന് ഏഴു പേര്‍ക്ക് കോവിഡ് I COVID PATHANAMTHITTA

പത്തനംതിട്ട ജില്ലയില്‍ ഇന്ന് ഏഴു പേര്‍ക്ക് കോവിഡ്-19 സ്ഥിരീകരിച്ചു. ഇന്ന് ജില്ലയിലുളള ഏഴു പേര്‍ രോഗമുക്തരായി. 1) ജൂണ്‍ 23 ന് ഡല്‍ഹിയില്‍ നിന്നും എത്തിയ അടൂര്‍, പന്നിവിഴ സ്വദേശിയായ 23 വയസുകാരന്‍. 2)ജൂണ്‍ 24 ന്...

ഇന്ന് കൊല്ലം ജില്ലയില്‍ 10 പേര്‍ക്ക് കോവിഡ്; 5 പേര്‍ക്ക് സമ്പര്‍ക്കത്തിലൂടെ

ഇന്ന് (JULY 9) കൊല്ലം ജില്ലക്കാരായ 10 പേർക്കാണ് കോവിഡ് സ്ഥിരീകരിച്ചത്. 4 പേര്‍ വിദേശത്ത് നിന്നെത്തിയവരും ഒരാൾ തെലങ്കാനയിൽ നിന്നെത്തിയ ആളുമാണ്. 5 പേർക്ക് സമ്പർക്കത്തിലൂടെ രോഗം സ്ഥിരീകരിച്ചു. ഇന്ന്...