വായുമലിനീകരണം രൂക്ഷം, ഡല്‍ഹിയില്‍ ആരോഗ്യ അടിയന്തരാവസ്ഥ പ്രഖ്യാപിച്ചു

ന്യൂഡല്‍ഹി: പുകമഞ്ഞ് ശക്തമായതിനെ തുടർന്ന് ഡൽഹിയിൽ ആരോഗ്യ അടിയന്തരാവസ്ഥ പ്രഖ്യാപിച്ചു. ഇന്ത്യന്‍ മെഡിക്കല്‍ അസോസിയേഷന്‍ (ഐഎംഎ) ആണ് ആരോഗ്യ അടിയന്തരാവസ്ഥ പ്രഖ്യാപിച്ചത്.വായുമലിനീകരണം രൂക്ഷമായതിന്‍റെ പശ്ചാത്തലത്തിലാണ് ഇത്. ജനങ്ങള്‍ വീടുകളിൽ നിന്ന് പുറത്തിറങ്ങരുതെന്നും സ്‌കൂളുകള്‍ തുറന്നു പ്രവര്‍ത്തിക്കരുതെന്നും ഐഎംഎ നിര്‍ദേശിച്ചു.

ഇന്ത്യൻ മെഡിക്കൽ അസോസിയേഷൻ്റെ നിർദ്ദേശത്തെ തുടര്‍ന്ന് മുഖ്യമന്ത്രി അരവിന്ദ് കെജരിവാള്‍ സ്‌കൂളുകള്‍ക്ക് മൂന്നു ദിവസത്തെ അവധി പ്രഖ്യാപിച്ചു.
ഡൽഹിയിൽ കടുത്ത വായു മലിനീകരണമാണ് ഉണ്ടായിരിക്കുന്നത്. കഴിഞ്ഞ ഇരുപത് വര്‍ഷത്തിനിടെയുണ്ടായ വായുമലിനീകരണത്തിൽ ഏറ്റവും കാഠിന്യമേറിയത് ആണ് ഇത്. വായു മലിനീകരണത്തെ തുടർന്ന് കാഴ്ചപരിധി 50 മീറ്ററിൽ താഴെയാണ് ഇപ്പോൾ.

SHARE